Yanga Bingwa Muungano Cup

Yanga imefanikiwa kunyakua taji la Muungano baada ya kuichapa JKU bao 1-0 katika mchezo wa fainali uliopigwa uwanja wa Gombani, Pemba

Bao pekee la Yanga katika mchezo huo lilifungwa na Maxi Nzengeli katika kipindi cha kwanza akimalizia pasi murua kutoka kwa Farid Mussa

Ni rekodi kwa Yanga kushinda taji hilo kwa mara ya saba tangu kuanzishwa kwake mwaka 1982

Kiungo Mudathir Yahya ameibuka mchezaji bora wa michuano hiyo huku Maxi Nzengeli akiibuka mchezaji bora mchezo huo huku pia akiibuka mfungaji bora wa mashindano