Baada ya kuonyesha kiwango bora katika michezo miwili iliyopita, Kocha Mkuu wa Yanga Miloud Hamdi amesema hana mashaka na uwezo wa kiungo fundi Clatous Chama, ni mmoja ya wachezaji muhimu katika kikosi chake
Tangu ujio wa Hamdi aliyechukua nafasi ya Sead Ramovic, Chama amepata nafasi finyu ya kuanza katika kikosi cha kwanza
Hata hovyo Hamdi alimuanzisha katika mechi mbili zilizopita dhidi ya Azam Fc na Stand United na zote akan'gara
Hamdi amesema anafurahi kuona kila mchezaji anapopewa nafasi anaipambania Yanga, Chama amepewa nafasi na amedhihirisha ubora wake
"Chama ni mchezaji mzuri kila mmoja anafahamu, anapokuwa katika ubora wake nafikiri ni mchezaji ambaye sio rahisi kumzuia"
"Amekuwa katika ubora mzuri katika mechi mbili zilizopita, nafikiri ni jambo jema kwa timu nzima mchezajia anapopewa nafasi na kufanya vizuri"
"Sio Chama tu, kuna wachezaji wengine kama Farid Mussa, Kennedy Musonda, Kibwana Shomari nao wamefanya vizuri katika mechi iliyopita," alisema Hamdi
Chama amerejea kikosi cha kwanza na kutumia vyema nafasi hiyo katika nyakati ambazo Yanga inawakosa Khalid Aucho na Pacome Zouzoua wakiwa majeruhi
