Kocha Mkuu wa Yanga Miloud Hamdi amesema kikosi chake kiko tayari kwa mchezo wa ligi kuu dhidi ya Tabora United ambao utapigwa kesho Jumatano, April 2 katika uwanja wa Ali Hassan Mwinyi
Akizungumza katika mkutano na wanahabari kuelekea mchezo huo, Hamdi amesema amepata muda wa kuwasoma Tabora United, na ameaiandaa timu yake kuhakikisha hawarudii makosa yaliyopelekea wapoteze mchezo wa duru ya kwanza
Aidha Hamdi amewashukuru mashabiki wa Yanga wanaojitokeza kwa wingi kuiunga mkono timu yao akiwaahidi siku ya kesho watafurahi
"Nianze kwa kuwashukuru mashabiki wote waliokuja kutupokea Uwanja wa ndege. Kwakweli kila siku wanazidi kunishangaza najiona kama Kocha mwenye bahati kuwa sehemu ya Klabu kubwa, Asanteni sana"
"Mchezo wa kesho kwetu ni mchezo muhimu sana na tumejiandaa vizuri kuhakikisha tunaondoka na alama hizi muhimu kwetu"
"Tumewafanyia kazi wapinzani wetu kwa umakini mkubwa kwasababu hatutaki kilichotokea nyuma kwenye mchezo wa kwanza dhidi yao kijirudie tena kesho, ni mchezo mgumu na kila timu inayokutana na sisi lazima wajaribu kucheza vizuri lakini sisi ni Klabu kubwa na haya ndiyo mazingira ya sisi kuhakikisha tunalidhihirisha hilo kwa kuondoka na ushindi," alisema Hamdi
Akizungumza kwa niaba ya wachezaji wenzake, Kibwana Shomari amesema wanatambua umuhimu wa mchezo huo huku akiwataka mashabiki wa Yanga kujitokeza kwa wingi uwanja wa Ali Hassan Mwinyi kuishangilia timu yao
