Kikosi cha timu ya Taifa ya Tanzania 'Taifa Stars' kimewasili nchini Morocco tayari kwa mchezo wa kuwania kufuzu kombe la Dunia 2026 kundi E dhidi ya wenyeji wao, Morocco
Mchezo huo utapigwa March 26 kwenye uwanja wa Honneur uliopo Manispaa ya d'Oujda, saa 6:30 usiku hapo Morocco
Ikiwa inashika nafasi ya tatu kundi E ikiwa na alama 6, Stars haipaswi kupoteza mchezo huo ili kusalia katika kinyang'anyiro cha kuwania tiketi ya kufuzu kombe la Dunia
Jana Morocco ilizidi kujichimbia kileleni baada ya kuichapa Niger bao 1-0 na hivyo kufikisha alama 12 wakiwa wameshinda mechi zote nne
Mechi pekee ambayo Tanzania imepoteza katika michuano hiyo, ilifungwa na Morocco mabao 2-0 katika mechi ya kwanza iliyopigwa uwanja wa Benjamin Mkapa
Hivyo hii ni mechi ya kisasi kwa Stars dhidi ya timu hiyo namba moja kwa ubora Afrika kwa mujibu wa viwango vya FIFA
