Meneja wa Habari na Mawasiliano wa Yanga Ali Kamwe ametamba baada ya kile kilichotokea jana, Yanga imeongeza alama tatu na sasa iko juu ya msimamo kwa tofauti ya alama 7
Kabla ya sintofahamu ya mchezo dhidi ya Simba, Wananchi walikuwa kileleni mwa msimamo wa ligi wakiwa na alama 58 huku watani zao Simba wakishika nafasi ya pili wakiwa na alama 54
"Alhamdulillah .. Derby Imekwisha na Yanga Tunaongoza Ligi Kuu kwa Tofauti ya pointi 7," aliandika Kamwe katika ukurasa wake wa mtandao wa kijamii
Yanga ilifika dimba la Benjamin Mkapa kwa ajili ya mchezo huo lakini Simba hawakutokea
Kikosi kiliiingia dimbani majira ya saa 11 Alasiri na timu kukamilisha taratibu zote za mchezo huo na baadae kuondoka uwanjani baada ya kukamilika kwa muda wa kusubiri wa mujibu wa kanuni
Yanga inaamini inastahili kupewa alama tatu na mabao matatu na sio mchezo huo kupangiwa tarehe nyingine kwa sababu hakukuwa na sababu zozote za msingi kupelekea bodi ya ligi kutangaza kuahirisha
Yanga imeapa kama haitapata haki yake katika mamlaka za ndani basi watakwenda kuidai kwenye mamlaka ya juu ambayo ni FIFA
