Mabadiliko Yanga hayaepukiki

Msimu huu umetoa funzo kubwa kwa uongozi wa klabu ya Yanga kubadili mfumo wa uendeshaji wake haraka.

Kwa muda mrefu Yanga imekuwa ikitegemea zaidi fedha za wafadhili kuweza kutekeleza mahitaji yake.

Mafanikio iliyopata katika kipindi cha miaka 10 iliyopita yalitokana kwa kiasi kikubwa na uwekezaji uliokuwa ukifanywa na Yusuph Manji.

Kuondoka kwa Manji kumeiathiri Yanga kwa kiasi kikubwa na hakika ni moja ya sababu iliyopelekea kushindwa kutetea ubingwa wake msimu huu.

Ni wajibu wa kila Mwanachama kujitokeza kwenye Mkutano Mkuu mwezi ujao kuamua hatma ya Yanga.

Mpira wa sasa unahitaji uwekezaji mkubwa. Unahitaji wachezaji wazuri, makocha wazuri pia miundombinu mizuri.

Hivi huwezi kuvipata kama uwezo wa klabu kifedha ni mdogo.

Yanayotokea sasa Yanga ni matokeo tu ya 'bomu' tulilokuwa tukilipika kwa muda mrefu sasa linalipuka.