Alipopoteza mechi mbili za awali hatua ya makundi ya ligi ya mabingwa, wengi walimaliza maneno na baadhi hata kufika mbali kwa kumlaumu Rais wa Yanga Injinia Hersi Said kwa kumuajiri kocha Sead Ramovic wakidai hana 'CV' ya kuifundisha Yanga kwani timu aliyotoka Afrika Kusini ilikuwa ikiburuza mkia
Wengi ambao 'walimaliza maneno' wakati ule hutawasikia wakizungumza sasa kwani Ramovic amewaziba midomo
Ushindi wa bao 1-0 dhidi ya Al Hilal jana ulikuwa mfululizo wa kiwango bora cha kikosi cha Yanga kilichoimarika baada ya wiki tano za mazoezi makali chini ya Ramovic
Ulikuwa ushindi wa sita mfululizo kwa Yanga ambayo sasa inahitaji alama tatu tu katika mchezo unaofuata kwenye ligi ya mabingwa dhidi ya MC Alger ili kufuzu robo fainali
Yanga haijapoteza mchezo katika mechi 7 zilizopita, ikishinda mechi 6 mfululizo na kutoka sare mchezo mmoja. Imefunga mabao 21 huku ikiruhusu mabao manne tu
Gusa achia twende kwao imekolea na kinachofuta sasa ni vipigo kwa kila atakayekatiza mbele..!
