Makamu wa Rais wa Yanga Arafat Haji amewataka Wanachama na Mashabiki ambao kuiombea timu yao ili iweze kuibuka na ushindi katika mchezo wa ligi ya mabingwa dhidi ya Al Hilal ambao utapigwa leo saa 4 usiku huko Mauritania
Yanga inahitaji kushinda mchezo huo ili kuweka hai matumaini ya kufuzu robo fainali ya michuano ya ligi ya mabingwa barani Afrika
Arafat amesema furaha ya Wananchi leo imeshikiliwa na wanaume 19 ambao baadae watakuwa uwanjani kuipigania Yanga hivyo kila mmoja kwa imani yake, afanye maombi ili matokeo mazuri yapatikane katika mchezo huo
"Mwananchi hauna timu nyingine zaidi ya hii, hauna furaha nyingine kwenye mpira zaidi ya hii. Hakuna tunapoweza kuhamia zaidi ya hii timu, tulizaliwa Yanga, tunaiishi Yanga na tutazikwa ingali ni Yanga"
"Tenga muda wako leo kuombea Mashujaa hawa ambao wanaenda vitani kwa ajili ya furaha yetu jioni ya leo. Hii sio mechi ya mpira wa miguu bali ni historia, ni ushujaa na ni heshima kubwa kwa nembo ya Kijani na Njano"
"Leo tunaenda kufurahi In shaa Allah, ni leo, ni jioni hii, ni Mauritania sote tuwe nyuma ya timu yetu popote pale duniani"
"Kila la heri timu yetu, kila la heri Young Africans, the club above all," aliandika Arafat katika ukurasa wake wa mtandao wa kijamii
