Yanga kuifuata Al Hilal Alhamisi

Yanga leo inakamilisha maandalizi yake jijini Dar es salaam kabla ya kukwea pipa Alfajiri ya kesho Alhamisi kuelekea Mauritani tayari kwa mchezo wa raundi ya tano hatua ya makundi ligi ya mabingwa barani Afrika dhidi ya Al Hilal

Jumapili Januari 12 Yanga itaumana na Al Hilal katika mchezo ambao ni kama fainali kwa Wananchi ili kuweka hai matumaini ya kufuzu robo fainali

Yanga inahitaji kushinda mchezo huo au hata matokeo ya sare kuendelea kubaki katika kinyan'ganyiro cha kuwania tiketi ya kutinga robo fainali

Meneja wa Habari na Mawasiliano wa Yanga Ali Kamwe amesema wachezaji wako tayari isipokuwa Aziz Andabwile, Maxi Nzengeli na Yao Kouassi ambao bado wanaendelea kuimarika. Wachezaji hao hawatasafiri Mauritania