Al Hilal ya Sudan imekuwa timu ya kwanza kufuzu robo fainali ya michuano ya ligi ya mabingwa barani Afrika baada ya jana kulazimishwa sare ya bao 1-1 dhidi ya MC Alger huko Mauritania
Al Hilal wamefikisha alama 10 kundi A ambazo zimewahakikishia kufuzu robo fainali huku vita ya kuwania nafasi iliyobaki ikizipambanisha Yanga, MC Alger
Baada ya kukamilika mechi za raundi ya nne, MC Alger wameendelea kubaki nafasi ya pili wakiwa na alama 5 huku Yanga wakishika nafasi ya tatu wakiwa na alama 4, TP Mazembe wakiburuza mkia na alama 2
Yanga haipaswi kupoteza mchezo dhidi ya Al Hilal na zaidi itahitaji kushinda mchezo wa mwisho dhidi ya MC Alger ambao utapigwa uwanja wa Benjamin Mkapa
Mazingira ya kundi A hayatofautiani na kilichotokea msimu uliopita, alama nane zinaweza kutosha kuivusha Yanga robo fainali
Mchezo unaofuata Yanga watasafiri Mauritania kumenyana na Al Hilal Januari 12 katika mchezo ambao Yanga inahitaji kushinda lakini hata alama 1 inaweza kuwabakisha mabingwa hao wa nchi katika malengo ya kufuzu robo fainali
