Dube, Mzize ni mwendo wa kimya kimya

Jana Clement Mzize alipachika mabao mawili katika ushindi wa mabao 4-0 ambao Yanga waliupata dhidi ya Dodoma Jiji

Mzize alibeba tuzo ya nyota wa mchezo huo akionyesha kiwango cha hali ya juu

Mshambuliaji huyo kinda sasa amepachika mabao 3 katika mechi mbili zilizopita na kufikisha mabao matano ya ligi

Nyota wa raia wa Zimbabwe Prince Dube nae akiendeleza kasi yake ya kuzifumania nyavu, akipachika bao la nne katika mchezo huo uliopigwa uwanja wa Jamhuri

Dube sasa amefunga katika mechi nne mfululizo, jumla mabao 6, matano yakiwa ni ya ligi kuu

Mzize na Dube wameendelea kusogea juu katika orodha ya wafungaji bora wakiwa na mabao 5

Wako nyuma kwa tofauti ya mabao 3 dhidi ya kinara Elvis Rupia wa Singida BS