Baada ya ombi la kubadili uwanja kutoka Azam Complex kwenda KMC Complex kukubaliwa na Bodi ya Ligi, keshokutwa Alhamisi, Disemba 19 Yanga itacheza mechi yake ya kwanza katika uwanja huo dhidi ya Mashujaa Fc
Wananchi wa Dar sasa watashuhudia mechi za timu yao mapema kwani mechi zote zinazochezwa KMC Complex zinaanza saa 10 jioni
Itakuwa mechi ya pili kwa kocha mkuu wa Yanga Sead Ramovic ambaye aliiongoza Yanga kupata ushindi wa mabao 2-0 dhidi ya Namungo Fc katika mchezo uliopita wa ligi
Mechi nyingine muhimu kwa Yanga kushinda ili kusogea katika nafasi za juu kwenye msimamo wa ligi
Meneja wa Habari na Mawasiliano wa Yanga Ali Kamwe amewataka mashabiki wa timu hiyo kuwa wamoja ili kuhakikisha wanashinda mechi zote nne za ligi zinazofuata kabla ya mchezo wa ligi ya mabingwa dhidi ya TP Mazembe utakaopigwa Januari 03 2025 katika uwanja wa Benjamin Mkapa
Baada ya mchezo dhidi ya Mashujaa Fc, Disemba 22 Yanga itashuka tena uwanja wa KMC Complex kuikabili Tanzania Prisons kisha kusafiri jijini Dodoma kuikabili Dodoma Jiji Disemba 25
Disemba 29 Yanga itarejea tena KMC Complex kuikabili Fountain Gate
