Kikosi cha Yanga leo kinaondoka jijini Dar es salaam kuelekea Lubumbashi DR Congo kwa ajili ya mchezo wa ligi ya mabingwa dhidi ya TP Mazembe
Mchezo huo wa raundi ya tatu hatua ya makundi, utapigwa keshokutwa Jumamosi, Disemba 14 katika uwanja wa Mazembe
Yanga inakwenda DR Congo huku ikifahamu haipaswi kupoteza mchezo huo ili kuweka hai matumaini ya kufuzu robo fainali
Wananchi wanahitaji ushindi lakini kama wataukosa basi angalau warudi na alama moja na kuhakikisha wanashinda nyumbani mchezo wa marudiano utakaopigwa mwanzoni mwa Januari 2025
Utakuwa mchezo mgumu lakini ili ufanikiwe katika michuano ya Kimataifa lazima uwe na timu ambayo inaweza kupata matokeo mazuri katika mechi za aina hiyo
Yale malengo ya kuitaka nusu fainali yanapaswa kuanza kuonekana Lubumbashi Jumamosi hii
