Mlinda lango Djigui Diarra leo huenda akarejea langoni katika mchezo wa pili wa hatua ya makundi ya ligi ya mabingwa dhidi ya MC Alger
Diarra aliyekosa mechi iliyopita dhidi ya Namungo Fc kutokana na majeraha, alishiriki kikamilifu mazoezi ya mwisho kuelekea mchezo huo utakaopigwa saa 4 usiku
Nyota wengine waliokuwa majeruhi Chadrack Boka na Clement Mzize nao jana walishiriki mazoezi ya mwisho lakini kuna nafasi ndogo kwao kutumika katika mchezo wa leo
Nahodha Msaidizi Dickson Job nae yuko 'fit' licha ya kufanya mazoezi akiwa amefunga 'bandeji' kwenye goti lake la kulia kutokana na majeraha aliyopata katika mchezo uliopita dhidi ya Namungo Fc
Hata hivyo daktari wa Yanga Moses Etutu amesema majeraha hayo yalikuwa ya kawaida na hayatamzuia kucheza leo kama kocha Sead Ramovic ataamua kumtumia
Kiungo Khalid Aucho naye yuko 'fit' bila atakuwa tayari kushuka dimbani leo kama Ramovic atamuhitaji katika kikosi chake leo
Baada ya kuonyesha kiwango kizuri katika mchezo uliopita dhidi ya Namungo Fc, nahodha Bakari Nondo Mwamnyeto huenda akapata nafasi ya kuanza katika safu ya ulinzi leo huku Kennedy Musonda aliyefunga bao katika mchezo dhidi ya Namungo Fc akitarajiwa kuongoza safu ya ushambuliaji
Kiungo Clatous Chama pia leo anaweza kuanza baada ya kuwa na takribani dakika 40 bora katika mchezo dhidi ya Namungo Fc
Ramovic leo anatarajiwa kutumia kikosi chake imara ambacho kitampa uwiano mzuri katika kushambulia na kujilinda kwa kuwa ni mechi ya ugenini
Yanga inahitaji ushindi au hata matokeo ya sare leo ili kutovuruga malengo ya kuvuka hatua ya makundi
