Kiungo wa Yanga Khalid Aucho ametuliza presha ya mashabiki wa timu hiyo akiwahakikishia yuko fit kuelekea mchezo wa ligi ya mabingwa dhidi ya MC Alger utakaopigwa Jumamosi, Disemba 07 huko Algeria
Kupitia video fupi iliyowekwa na Yanga katika kurasa za mitandao ya kijamii, Aucho ameonekana akifanya mazoezi makali ya Gym huku akiwataarifu Wananchi kuwa yuko imara
"Mimi niko fresh naendelea na mazoezi...", ni kauli ya Aucho aliyoitoa katika video hiyo
Aucho alikosa mechi mbili zilizopita dhidi ya Al Hilal na Namungo Fc baada ya kuumia akiwa katika majukumu ya timu ya Taifa
Daktari huyo wa mpira huenda akarejea katika mchezo dhidi ya MC Alger siku ya Jumamosi
Aucho ni nguzo muhimu katika eneo la kiungo la Yanga, kurejea kwake ni habari njema kwa kocha Sead Ramovic ambaye mechi zake mbili za kwanza ameikosa 'mashine' hiyo kutoka Uganda
