Kocha Mkuu wa Yanga Sead Ramovic amempongeza nahodha Bakari Nondo Mwamnyeto kwa kiwang bora alichoonyesha katika mchezo wa ligi kuu dhidi ya Namungo Fc jana
Yanga iliibuka na ushindi wa mabao 2-0 katika mchezo huo uliopigwa uwanja wa Majaliwa, Ruangwa Mwamnyeto akirejea kikosini akichukua nafasi Ibrahim Bacca anayetumikia adhabu ya kadi nyekundu
Ramovic alisema Mwamnyeto ni mchezaji wa mfano kwa wenzake,anajituma, ni kiongozi bora katika kikosi chake
"Kipekee nampongeza nahodha wetu, Mwamnyeto amekuwa na mchezo mzuri. Ni mchezaji wa mfano iwe katika mechi hata tunapokuwa mazoezini,"alisema Ramovic
Mwamnyeto anaonekana kurejea katika ubora wake baada ya kupitia kipindi kifupi cha changamoto ambacho kilipelekea kupoteza nafasi yake katika kikosi cha kwanza
Wakati mwingine ni bahati mbaya kwake kwani pale anapofanya vizuri huwa hazungumziwi lakini wakosoaji wake wanasubiri pale anapofanya makosa
Jana aliiongoza vyema safu ya ulinzi akizuia na kuanzisha mashambulizi pale alipohitajika
