Mashabiki wawapa hamasa wachezaji Yanga

Jana umoja wa mashabiki wa Yanga kutoka mitandao mbalimbali ya kijamii walikabidhi kitita cha Tsh Milioni 3 kwa wachezaji ili kuwahamasisha wafanye vizuri kwenye mchezo wa leo dhidi ya Simba.

Fedha hizo zilikabidhiwa kwa Juma Abdul kwa niaba ya wachezaji wenzake ambao beki huyo matata ameahidi hawata-waangusha mashabiki leo.

Mbali na kitita hicho, ushindi pia utawaongezea mapato wachezaji, ukiwa ni utaratibu uliowekwa na uongozi wa tangu mwanzoni mwa mwaka huu.

Wachezaji wa Yanga wataingia uwanja wa Taifa leo wakifahamu kuwa wanahitaji kushinda leo ili kuweka hai matumaini ya kutetea ubingwa.