Nahodha wa Yanga Bakari Nondo Mwamnyeto amesema wachezaji wana jukumu kubwa la kupambana katika michuano ya ligi ya mabingwa ili kuhakikisha wanafanya vizuri zaidi ya mafanikio waliyopata msimu uliopita
Kikosi cha Yanga kilirejea mazoezini juzi kuanza maandalizi ya mchezo wa kwanza wa hatua ya makundi dhidi ya Al Hilal utakaopigwa Jumanne Novemba 26 katika uwanja wa Benjamin Mkapa
Mwamnyeto amesema wachezaji wamerejea wakiwa na ari kubwa focus yao ikiwa ni mchezo dhidi ya Al Hilal
"Tunashukuru wachezaji wote tumerejea mazoezini tukiwa salama, focus yetu tumeielekeza kwenye mchezo wa ligi ya mabingwa dhidi ya Al Hilal"
"Msimu huu tuna jukumu kubwa la kuhakikisha tunafanya vizuri zaidi katika michuano hii kuvuka hatua hii ya makundi na kucheza robo fainali"
"Tuna muda mzuri wa kujiandaa na mchezo dhidi ya Al Hilal naamini wenzetu waliokwenda katika majukumu ya timu za Taifa watakaporudi kuungana nasi tutakuwa tayari kwa mchi hiyo," alisema
Yanga iko kundi A ikiwa pamoja na Al Hilal, TP Mazembe na MC Alger. Baada ya mchezo wa nyumbani dhidi ya Al Hilal, Wananchi watasafiri ugenini Algeria kuikabili MC Alger Disemba 07
