Baada ya kumkosa katika dirisha lililopita, Rais wa Yanga Injinia Hersi Said amepania kukamilisha usajili wa kiungo Charve Onoya kutoka klabu ya Maniema, imefahamika
Yanga imedhamiria kumshusha nchini kwenye dirisha dogo kiungo huyo mkabaji mwenye umri wa miaka 21
Khalid Aucho ni mchezaji tegemeo katika eneo la kiungo cha ukabaji, mkataba wake unamalizika mwishoni mwa msimu lakini pia umri wake umesogea
Yanga inaanza maandalizi mapema ya kumpata mrithi wa Aucho ili pale atakapoondoka kusiwe na changamoto katika eneo hilo
Katika dirisha lililopita Yanga ilikaribia kumsajili Onoya pamoja na kiungo mshambuliaji Ageye Basiala lakini mpango huo ulipokwama ndipo Duke Abuya akasajiliwa
Onoya na Basiala walicheza pamoja na Maxi Nzengeli katika kikosi cha Maniema
