Jana kupitia ukurasa wake wa mtandao wa kijamii beki wa Yanga Ibrahim Bacca alithibitisha kupata majeraha katika mchezo wa timu ya Taifa kati ya Tanzania dhidi ya DR Congo uliopigwa juzi katika uwanja wa Benjamin Mkapa
Kupitia picha aliyoweka katika ukurasa wake, ilionyesha uvimbe katika 'enka' ya mguu wa kulia
Hata hivyo hakuna taarifa rasmi kutoka kwa Yanga iwapo kama majeraha hayo yanaweza kumfanya akakosa mchezo dhidi ya Simba siku ya Jumamosi
Pengine hatma yake itafahamika leo pale wachezaji walioitumikia Stars juzi watakapoingia kambini Avic Town kuungana na wenzao
Yanga iliendelea na mazoezi jana Avic Town kujiandaa na mchezo huo ambapo Stephane Aziz Ki, Prince Dube na Duke Abuya walishiriki mazoezi hayo baada ya kurejea kutoka katika majukumu ya timu za Taifa
