Homa ya pambano la watani wa jadi inazidi kupanda zikiwa zimesalia siku 9 tu kuelekea mchezo huo unaovuta hisia za mashabiki ndani na hata nje ya nchi
Kitapigwa Jumamosi, Oktoba 19 katika uwanja wa Benjamin Mkapa, saa 11 jioni
Timu hizo zitakutana ikiwa ni takribani miezi miwili na siku kadhaa kupita baada ya mchezo wa nusu fainali Ngao ya Jamii ambao Wananchi walifanikiwa kuibuka na ushindi wa bao 1-0
Mwamuzi Elly Sassie alipewa jukumu la kusimamia mchezo huo ambao unaweza kusema uligubikwa na makosa mengi ya kibinadamu
Sassie pia alichezesha mchezo kati ya Azam Fc dhidi ya Simba uliopigwa visiwani Zanzibar malalamiko pia yakawa mengi dhidi yake
Ni wazi mashabiki wa Yanga wanasubiri kwa hamu jina la mwamuzi atakayekabidhiwa jukumu la kusimamia dabi ya Oktoba 19 lakini itakuwa habari mbaya kama atakuwa Sassie
Ahmed Arajiga ndiye aliyechezesha mechi zote za dabi msimu uliopita, kwa sasa Arajiga ndiye mwamuzi bora Tanzania
Hata Shirikisho la soka Barani Afrika (CAF) limeanza kumtumia katika mechi za CAF CL, CAF CL na kufuzu Afcon
Unaweza kusema baada ya yale yaliyotokea kwenye Ngao ya Jamii, Arajiga ndiye anapaswa kupewa jukumu la kusimamia sheria 17 katika mchezo wa Oktoba 19
