Kikosi cha Yanga kesho Jumamosi majira ya saa 9 Alasiri kitashuka uwanja wa Abebe Bikila kumenyana na CBE SA katika mchezo wa mkondo wa kwanza raundi ya pili michuano ya ligi ya mabingwa barani Afrika
Kocha Mkuu wa Yanga Miguel Gamondi ameweka wazi kuwa anahitaji kuona vijana wake wanapambana na kuibuka na ushindi katika mchezo huo na kurejea Dar kumalizia dakika 90 nyingine pasipo kuwa na presha
Habari njema kwa Yanga ni kuwa wachezaji wote ambao walikuwa na majukumu ya timu za Taifa waliwasili jana Addis Ababa na kuungana na wenzao waliotua mapema asubuhi
Ni nyota wawili tu ambao walichelewa kuwasili Kennedy Musonda na Clatous Chama ambao walitokea moja kwa moja Zambia
Jana Yanga ilifanya mazoezi katika dimba la Abebe Bikila na siku ya leo Wananchi watahitimisha maandalizi yao katika uwanja huo
