Mtendaji Mkuu wa Yanga Andre Mtine amesema timu iko salama Ethiopia na wako tayari kwa mchezo wa ligi ya mabingwa dhidi ya CBE SA utakaopigwa kesho Jumamosi katika uwanja wa Abebe Bikila
Mtine ambaye ameongoza msafara wa Yanga huko Ethiopia, amesema hawatawadharau wapinzani wao kwa sababu anaamini hawakufika hatua hii ya mtoano kwa bahati mbaya
"Tumefika hapa salama na timu inaendelea na maandalizi kwa ajili ya mchezo hapo kesho. Hali ya hewa hapa ni mvua inanyesha lakini tulifahamu mapema tutakutana na hali hii ya hewa"
"Tunakwenda kupambana uwanjani ili kupata matokeo mazuri hapa ugenini. Hatutawadharau wapinzani wetu kwani hakuna timu ndogo katika mashindano haya"
"Wao walishinda mechi za hatua iliyopita ndio maana wako hapa kama ilivyo upande wetu," alisema Mtine
Kikosi cha Yanga kilitua Ethiopia jana na kufanya mazoezi yao ya kwanza katika uwanja wa Abebe Bikila utakaotumika hapo kesho. Yanga itakamilisha mazoezi ya mwisho leo katika uwanja huohuo
Hali ya hewa sio mbaya sana, kuna mvua za hapa na pale ambapo jana timu ilifanya mazoezi katika mazingira ya mvua
