Yanga kuifuata CBE Alhamisi

Kesho Alhamisi asubuhi, kikosi cha Yanga kitaondoka jijini Dar es salaam kuelekea Ethiopia tayari kwa mchezo wa mkondo wa kwanza raundi ya pili michuano ya ligi ya mabingwa barani Afrika dhidi ya CBE SA

Mchezo huo utapigwa Jumamosi, Septemba 14 katika uwanja wa Abebe Bikila, saa 9 Alasiri

Meneja wa Habari na Mawasiliano wa Yanga Ali Kamwe amesema jambo jema kwao haitakuwa safari ndefu kwani itawachukua takribani saa 3 kutoka Dar es salaam hadi Addis Ababa

Nyota 14 waliokuwa katika majukumu ya timu za Taifa wamekamilisha majukumu yao jana na baadhi wanatarajiwa kuungana na timu moja kwa moja huko Ethiopia