Wanasema kimya kingi kina mshindi mkuu! Ndivyo unavyoweza kusema kwa kile kinachoendelea katika kikosi ya Yanga Princess
Uongozi wa Yanga chini ya Rais Injinia Hersi Said msimu huu wameweka nguvu kubwa katika kikosi cha Yanga Princess ili kuhakikisha timu hiyo inamaliza unyonge katika ligi kuu ya Wanawake
Aina ya usajili uliofanyika, maandalizi yanayoendelea uwanja wa KMC ni dalili njema kuwa msimu huu kazi ipo ligi ya Wanawake
Yanga Princess imeshusha nyota kadhaa kutoka nje wakiwemo mlinda lango wa timu ya Taifa ya Nigeria Rita Akarekor pamoja na kiungo Toluwalashe Adeshola ambaye alikuwa MVP ligi ya Wanawake Nigeria msimu uliopita
Danai Bhobho kiungo wa Kimataifa wa Zimbabwe ambaye msimu uliopita aliitumikia Simba Queens nae amejiunga na Yanga Princess
Kocha Mkuu wa Yanga Princess Edna Lema amesema wameunda timu mpya ambayo anaamini msimu huu itarejesha heshima ya Yanga upande wa ligi ya Wanawake
