Nyota wa Yanga U20 Isack Emmanuel Mtengwa na Shaibu Mtita wataitumikia Wakiso Giants ligi kuu ya Uganda msimu huu
Yanga ilifikia makubaliano ya kuwatoa wachezaji hao kwa mkopo wa msimu mzima ili kuwaimarisha
Mtita alikuwa wa kwanza kujiunga na Wakiso na baadae kufuatiwa na Mtengwa ambaye amewashukuru viongozi wa Yanga kwa kuwapatia nafasi hiyo
"Tunawashukuru viongozi wa Yanga, wameweka utaratibu mzuri kwanza kutupa nafasi ya kufanya mazoezi na timu kubwa ambapo hutujengea kujiamini lakini hili la kututoa kwa mkopo hilo litasaidia sisi kupata uzoefu na kujulikana zaidi kimataifa," alisema
Yanga na Wakiso zina makubaliano ya ushirikiano ambapo kwa nyakati tofauti Yanga iliwapokea wachezaji kutoka Wakiso kuwa nao katika kikosi ili kuwapa uzoefu
ADVERTISE HERE
