Juzi baada ya mchezo kati ya Kagera Sugar dhidi ya Yanga, Kocha Mkuu wa Kagera Sugar Paul Nkata aliweka bayana kuwa kufungwa mabao 2-0 na Yanga ni kama ushindi kwao kwani wamecheza dhidi ya timu bora zaidi katika ukanda wa Afrika Mashariki na kati
Nkata alikwenda mbali zaidi kwa kusema Yanga imezifunga timu kubwa mabao manne na nyingine matano huku akitolea mfano klabu ya Vital'o iliyobugizwa jumla ya mabao 10-0 katika mechi mbili za hatua ya awali ligi ya mabingwa barani Afrika
Kauli ya Nkata imeonyesha uhalisia wa daraja ambalo Yanga imejiweka dhidi ya timu nyingine. Inapotokea timu pinzani inashangilia kufungwa mabao machache hiyo inakuonyesha utofauti wa daraja la ubora
Hata mchezo wa nusu fainali ya Ngao ya Jamii ambao Simba walifungwa bao 1-0 na Yanga, mashabiki wa timu hiyo hawakuchukizwa na kipigo hicho zaidi walitamba kuwa timu yao imeimarika
Matarajio ya wengi katika mchezo huo ilikuwa Simba kuoga mvua ya mabao na ingekuwa hivyo kweli kama sio makosa ya kibinadamu ya waamuzi!
Itoshe kusema Yanga wana ligi ya peke yao, wengi watashangilia kufungwa msimu huu
