Licha ya ofa kutoka klabu ya Wydad Athletic, Rais wa Yanga Injinia Hersi Said ameweka wazi msimamo wa klabu juu ya mshambuliaji Clement Mzize
Hersi amesema hayatakuwa maamuzi sahihi kwa klabu kumruhusu Mzize akajiunge na Wydad klabu ambayo kwa sasa 'inajitafuta' baada ya kupoteza makali yake
Hersi amesema Mzize anapata kila kitu Yanga na kwa sasa sio wakati sahihi kwake kuondoka
"Kuna timu nyingi sana ambazo zimeleta ofa kwa wachezaji wetu hata hii timu ambayo ndo kwanza inajijenga (Wydad) walileta ofa ya kumtaka Mzize
"Lakini ukiingalia ndo kwanza wanajijenga hivyo kwa maoni yangu sio sehemu ya Mzize kwenda kucheza, tunampelekaje kwenye timu ambayo haichezi klabu bingwa?"
"Yanga ina kila kitu ambacho mchezaji anahitaji anakipata kwa hiyo tunapomtoa mchezaji lazima aende kwenye timu kubwa zaidi yetu," alisema Hersi
Wydad waliwasilisha ofa yenye thamani takribani Milioni 270 ambayo ingeweza kufika Milioni 400 lakini uongozi wa Yanga ukasisitiza kama wanamtaka basi wafuate masharti ya mkataba wake ambao una kipengele cha kumnunua kwa Tsh 2.7B
