Rais wa Yanga Injinia Hersi Said amefichua haikuwa rahisi kumbakisha kocha Migue Gamondi baada ya mafanikio aliyopata msimu uliopita
Akizungumza katika mahojiano maalum ndani ya kipindi cha Jana na Leo cha Wasafi Fm, Hersi alisema Gamondi alipata ofa nyingi lakini baadae aliamua kubaki Yanga kutokana na ubora wa kikosi alichokijenga
"Kabla ya kusaini mkataba mpya, Kocha wetu Miguel Gamondi alipata ofa nyingi sana kutoka Klabu nyingine kubwa Afrika na aliahidiwa hela nyingi"
"Lakini alichagua kubaki Yanga kwa sababu ya ubora wa timu tuliyoitengeneza. Hii timu yetu inaweza kumpa heshima kubwa zaidi Afrika," alisema Hersi
Hersi amesema katika michuano ya ligi ya mabingwa msimu huu, Yanga imeweka malengo ya kufika robo fainali kama walivyofanya msimu uliopita hata hivyo amesema kama watafanikiwa zaidi ya hapo basi itakuwa zawadi kutoka kwa Mwenye ez Mungu
"Malengo yetu kwenye Ligi ya Mabingwa msimu huu ni tufike tena hatua ya robo fainali. Lakini kwenye maisha M/Mungu hutoa zawadi, tukipata zawadi ya kufika Fainali na kuchukua Ubingwa basi tutashukuru. Target yetu ni Robo Fainali na tutapambana kufanikisha hilo"
Katika hatua nyingine Injinia Hersi amemshukuru Mdhamini/Mfadhili wa Yanga GSM kwa sapoti yake kila hatua akiwataka wanachama na mashabiki wa timu hiyo kumshukuru na kumuombea bilionea huyo kwa upando wake kwa klabu
"Kama kuna jambo ambalo Wanayanga wanapaswa kuliombea dua liendelee ni uwepo wa GSM kwenye timu yetu, amekuwa akitusapoti katika mambo mengi mno"
"Mfano juzi kwenye Ngao ya Jamii kabla ya kuwashughulikia watu fulani, alikuja na kutuuliza bajeti ya bonasi ikoje, tulipomwambia akasema haitoshi, akaongeza fungu la maana vijana wakaenda kupambana tukashinda" alisema Hersi
