Kiungo mshambuliaji wa Yanga Stephane Aziz Ki unaweza kusema ni mchezaji mwenye furaha kubwa pale anaposhuka uwanjani kuitumikia Yanga
Aziz Ki ameendeleza kudhihirisha kuwa yeye ni mchezaji wa timu, mafanikio binafsi ni ziada kwake
Ukitaka kuthibitisha hilo angalia shamra shamra zake pale Yanga inapofunga bao
Mara nyingi hushangilia kwa furaha mabao yanayofungwa na wenzake pengine kuliko hata pale anapofunga yeye
Katika moja ya mahojiano yake, Aziz Ki aliweka bayana kuwa kwake ushindi wa timu ni jambo muhimu zaidi kuliko mafanikio yake binafsi
"Hapa tunacheza kwa ajili ya Yanga, tunapambana ili kuhakikisha tunafikia malengo ya timu, kwangu mafanikio binafsi ya mchezaji ni ziada baada ya timu kufikia malengo yake," alisema
Mara nyingi hata anapokuwa benchi huwa sio rahisi kumuona Aziz Ki amekaa katika kiti, kila mara utamuona akizungumza na kuwahamasisha wachezaji wenzake uwanjani
