Kocha Mkuu wa Yanga Miguel Gamondi amemsifu mlinzi wa pembeni Chdrack Boka kwa kuendelea kuonyesha kiwango bora tangu alipojiunga na mabingwa hao wa nchi
Juzi katika mchezo wa fainali Ngao ya Jamii dhidi ya Azam Fc, Boka aliuwasha moto kwelikweli krosi yake ikisababisha bao la pili la Yanga pale Azam Fc walipojifunga katika mchezo ambao Yanga iliibuka na ushindi wa mabao 4-1
Gamondi amesema Boka ni mchezaji anayejituma sana katika mechi na hata anapokuwa mazoezini
"Boka ni mchezaji mzuri nfurahi kuwa nae hapa. Ni mchezaji ambaye amekuwa akijituma zaidi kuanzia mazoezini"
"Anawahi na kuanza mwenyewe mazoezi kabla ya pamoja, lakini pia juhudi zake hizo anazionyesha pia kwenye mechi"
"Ni mchezaji mwenye nidhamu kubwa ya mchezo, naamini atakuwa na mchango mkubwa kama ilivyo kwa kila mchezaji msimu huu," alisema Gamondi
Yanga imemsajili Boka kutoka klabu ya Fc Lupopo ya DR Congo akichukua nafasi ya Joyce Lomalisa aliyetimkia Sagrada Esperanca ya Angola
