Makipa wa Yanga, Abuutwalib Mshery na Khomein Abubakar wataendelea 'kuchota madini' kwa mlinda lango namba moja wa Yanga Djigui Diarra ambaye bado yuko mikononi mwa Wananchi kwa misimu mingine mitatu baada ya kuongeza mkataba
Diarra aliyesajiliwa na Yanga Agosti 2021 akitokea Stade Malien ya Mali mkataba wa sasa na Yanga ulikuwa unatamatika mwisho wa msimu wa 2024/25, hivyo Kwa kusaini mkataba mpya wa miaka miwili unamuweka Diarra Jangwani mpaka msimu wa 2026/27
Diarra tangu ametua kwa Wananchi amefanikiwa kuibuka kipa bora wa msimu mara mbili mfululizo na ameisaidia timu hiyo kutwaa mataji matatu ya Ligi Kuu Bara mfululizo na mataji matatu ya Kombe la Shirikisho (FA)
Juzi katika kilele cha Wiki ya Mwananchi, Rais wa Yanga Injinia Hersi Said alipewa jukumu la kutambulisha mchezaji mmoja ambapo akamtambulisha Diarra huku akifichua kuwa amesaini mkataba mpya utakaomuweka Jangwani hadi mwaka 2027
Uwepo wake utaendelea kuwapa nafasi ya kujifunza na kuimarika zaidi walinda lango wazawa Mshery n Khomein aliyesajiliwa katika dirisha hili akitokea klabu ya Singida Black Stars
Diarra kwa sasa ndio kipa namba moja wa timu ya Taifa ya Mali ambapo mapema mwaka huu katika michuano ya Afcon 2024 iliyofanyika Ivory Coast, Diarra aliisaidia Mali kufika hatua ya robo fainali ya michuano hiyo huku akiwa mlinda lango namba moja
