Mshambuliaji Jean Baleke ni miongoni mwa wachezaji waliosafiri na kikosi cha Yanga Afrika Kusini kwa ajili ya awamu ya pili ya pre-season ambapo Wananchi watashiriki michuano ya Mpumalanga International's Cup pamoja na Toyota Cup
Kesho Jumamosi, Julai 20 Yanga itazindua Mpumalanga International's Cup kwa kuumana na Augusburg inayoshiriki ligi kuu ya Ujerumani maarufu Bundesliga mchezo ukitarajiwa kupigwa saa 10 jioni
Baleke amekuwa sehemu ya kikosi cha Yanga tangu timu ilipoanza pre-season Avic Town, wengi wanajiuliza kwa nini hajatambulishwa?
Meneja wa Habari na Mawasiliano wa Yanga Ali Kamwe amesema kuna mambo yanawekwa sawa kabla ya nyota huyo kutambulishwa
"Kuna wachezaji hatujawatambulisha kwa sababu kuna mambo kadhaa tunayakamilisha lakini niwahakikishie kila kitu kinakwenda vyema, tutakamilisha kabla ya dirisha la usajili kufungwa," alisema Kamwe
Dirisha la usajili la CAF kwa ajili ya hatua ya awali ligi ya mabingwa linatarajiwa kufungwa kesho, hivyo ni wazi mpaka kufikia saa 5:59 ya Jumamosi, mshambuliaji huyo huenda akawa amekamilisha taratibu zote
