Meneja wa Habari na Mawasiliano klabu ya Yanga Ali Kamwe amesema wamepokea kwa furaha mwaliko wa kushiriki michuano ya Toyota Cup itakayofanyika Afrika Kusini Julai 28 kwa mchezo kati ya Kaizer Chiefs dhidi ya Yanga
Kamwe amesema ni heshima kubwa kwa Yanga kupewa mwaliko huo kwani zipo timu nyingine kubwa barani Afrika lakini Chiefs wakaichagua Yanga
Kamwe amesema Yanga itajiandaa vyema na watahakikisha wanashinda taji hilo lililodhaminiwa kampuni ya magari ya Toyota
"Kwanza ni heshima kubwa kwa Yanga kupata mwaliko huu. Kaizer Chiefs wameacha timu zote na kuona Yanga ndio inafaa kushiriki michuano hii inayofanyika kwa mara ya kwanza"
"Tunakwenda kujiandaa vyema na tutawapa Chiefs mechi ya ushindani kwelikweli na lengo letu ni kutwaa taji hilo," alisema Kamwe
Rais wa Yanga Injinia Hersi Said ambaye pia ni Mwenyekiti wa vilabu barani Afrika (ACA), alihudhuria hafla ya uzinduzi wa michuano hiyo ambayo ilifanyika Afrika Kusini jana
Unaweza kusema Yanga ndio iliyoihamasisha Chiefs kuandaa Tamasha hilo ambalo linafanana kabisa na wiki ya Mwananchi
Chiefs walialikwa na Yanga kwenye wiki ya Mwananchi msimu uliopita na kuvutiwa nayo
Mashabiki na Wanachama wa Chiefs watashiriki matukio mbalimbali ya kijamii wiki ya mwisho kuelekea mchezo wa Toyota Cup
