Chadrak Boka ni mchezaji wa tatu kutambulishwa na Yanga katika dirisha hili akitanguliwa na Clatous Chama 'Mwamba wa Lusaka' na Prince Dube
Bado Yanga haijafunga hesabu zake za usajili kwani haijatambulisha golikipa, kiungo mkabaji na mshambuliaji
Utambulisho unaosubiriwa kwa hamu pengine ni ule wa mshambuliaji ambapo Wananchi wakamshuhudia Jean Baleke akirejea tena katika ligi kuu ya NBC
Baleke aliitumikia Simba tangu Januari 2023 hadi Januari mwaka huu alipotimkia Libya
Katika mwaka mmoja aliyoitumikia Simba, Baleke alipachika mabao 16 huku akitoa assist moja katika mechi 18
Alipopelekwa kwa mkopo Libya kunako klabu ya Al ittihad, Baleke pia alipachika mabao sita
Msimu wa 2020/21 Baleke aliibuka mfungaji bora wa Ligi Kuu ya DR Congo mbele ya mshambuliaji wa zamani wa Yanga Fiston Mayele
Kwa takwimu zake za misimu minne iliyopita, Baleke ni mshambuliaji ambaye ana uhakika wa kufunga zaidi ya goli 10 kwa msimu
Huyu ni mshambuliaji ambaye hatahitaji muda kuendeleza makali yake katika ligi ya NBC kwani tayari rekodi zinaonyesha amefunga mabao 16 katika muda wa mwaka mmoja aliokuwa hapa nchini kabla ya kutimkia Libya
