Yanga tayari imetangaza kuanzia Jumatatu, wachezaji wataanza kuripoti Avic Town kwa ajili ya taratibu za maandalizi ya msimu mpya wa mashindano, 2024/25
Ndani ya siku tatu Yanga inatarajiwa kuweka hadharani silaha zao zote zinazokwenda kuwapigania Wananchi msimu ujao malengo yakiwa kutetea ubingwa wa ligi kuu na FA kwa msimu wa nne mfululizo, kurejesha Ngao ya Jamii pamoja na kuvuka robo fainali ya ligi ya mabingwa (CAF CL)
Mpaka sasa Yanga imetambulisha mchezaji mmoja tu mpya ambaye ni Clatous Chama na pia ikiendelea kutangaza majina ya nyota ambao wameongeza mikataba
Huenda leo Yanga ikaendelea na zoezi la kutangaza wachezaji walioongeza mikataba na pengine Jumamosi, Jumapili na Jumatatu ikahitimisha kutangaza wachezaji wapya waliosajiliwa
Mpaka sasa wachezaji walioongeza mikataba ni Djigui Diarra, Aboutwali Mshery, Nickson Kibabage, Bakari Nondo Mwamnyeto huku Zawadi Mauya, Metacha Mnata na Augustine Okrah wakipewa mkono wa kwaheri
Wachezaji wengine wanaotajwa kuongeza mikataba ni Kibwana Shomari, Khalid Aucho, Stephane Aziz Ki, Clement Mzize na Jonas Mkude
Wakati Chadrack Boka, Prince Dube na Jean Baleke wanatajwa miongoni mwa wachezaji wapya wanaosubiri utambulisho
