Tamasha la Wape Tabasamu limefana mkoani Morogoro ambapo mastaa mbalimbali wa soka, viongozi na wasanii walishiriki kuwaunga mkono Kibwana Shomari na Dickson Job walioandaa Tamasha hilo kwa ajili ya kurejesha kwa jamii
Timu Job wakaibuka na ushindi wa mabao 6-2 huku Rais wa Yanga Injinia Hersi Said akifungua akaunti ya mabao kwa upande wa timu Job kwa bao safi la kichwa
Hersi ambaye alicheza kwa takribani dakika 22 aliongoza safu ya ushambuliaji ya timu Job sambamba na Prince Dube ambaye pia alifunga moja ya mabao ya timu Job
Mabao mengine yalifungwa na Said Ndemla, George Mpole, Samson Mbangula na Edwin Balua huku mabao yote ya timu Kibwana yakifungwa na Saimon Msuva
Ali Kamwe ndiye aliyekuwa kocha wa timu Job huku Hasheem Ibwe akiwa kocha wa timu Kibwana
Katika mchezo huo pia Waziri wa Fedha Mh Mwigulu Nchemba na Mbunge wa Morogoro mjini Mh Aboud walipata dakika chache katika kikosi cha Kibwana
Tamasha hilo lilifikia malengo kwani wakazi wa mkoa wa Morogoro walijitokeza kwa wingi wakiujaza uwanja wa Jamhuri
