Mshambuliaji Prince Dube alitua nchini jana na kuelekea mkoani Morogoro kushiriki Tamasha la Wape Tabasamu lililoandaliwa na wachezaji wa Yanga Kibwana Shomari na Dickson Job ambalo litafanyika leo
Taarifa za 'ndaaani' zimedokeza kuwa Dube tayari amemalizana na Azam Fc akilipa fedha alizokuwa akidaiwa na klabu hiyo na anachosubiri sasa ni 'release letter'
Azam Fc wameahidi watampatia barua hiyo wiki ijayo ambapo baada ya kuipata, itamtambulisha kuwa ni mchezaji huru
Baada ya hatua hiyo, Yanga itakuwa huru kumtambulisha kama mchezaji wake baada ya kusaini mkataba wa miaka miwili
Wakati akizungumza na wanahabari baada ya kuwasili mkoani Morogoro, Dube alidokeza kuwa msimu ujao ataendelea kuonekana katika ligi kuu ya NBC (Mungu akipenda) lakini hakuwa tayari kuitaja timu atakayojiunga nayo
