Aliyekuwa Kocha Msaidizi wa Biashara United Edna Lema amewaaga waajiri wake hao wa zamani baada ya mkataba wake kumalizika
Lema alikuwa sehemu ya benchi la ufundi la Biashara United lililoiwezesha timu hiyo kucheza play-off ya kupanda ligi kuu dhidi ya Tabora United wakipoteza kwa kufungwa mabao 2-1
"Ulikuwa ni msimu mzuri kwetu na kwangu pia, tulifanya kila kilichokuwa ndani ya uwezo wetu lakini hatukuweza kufikia malengo kwa asilimia 100 yote kwa yote tunashukuru Mungu kwa kuwa yeye ni mjuzi zaidi"
"Niwashukuru Uongozi wa Biashara UTD, Benchi la Ufundi likiongozwa na Aman Josia, wachezaji wote wakiongozwa na Captain Babilas Chitembe kwa wakati wote tuliokuwa pamoja tumeishi kama familia yale mazuri tuyaendeleze na kwa yale mapungufu tusamehane pia"
"Biashara imechangia kunikuza na kuniongezea uzoefu katika kazi yangu ya Ukocha. Niwatakie kila lenye kwa msimu ujao Ni ngumu kusema kwaherini lakini kwa kuwa maisha ya mpira ni mzunguko tutakutana wakati mwingine Asanteni sana Mungu awabariki," aliandika Lema katika ukurasa wake wa mtandao wa kijamii
Lema anatarajiwa 'kurejea nyumbani' katika kikosi cha Yanga Princess
