Kocha Mkuu wa Yanga Miguel Gamondi ameeleza kufurahishwa na uongozi wa timu hiyo baada ya kufanikiwa kuwabakisha wachezaji muhimu wa kikosi chake
Baada ya msimu kumalizika, kulikuwa na tetesi nyingi zilizowahusisha baadhi ya wachezaji wa kikosi cha kwanza kuondoka
Gamondi amesema ripoti ya maboresho ya kikosi chake tayari ameikabidhi kwa uongozi wa Yanga lakini jambo lililomfurahisha zaidi ni kuona nyota wake wote muhimu wanaendelea kubaki Jangwani
"Kazi yangu nimeikamilisha, nimekabidhi ripoti haraka ili iweze kufanyiwa kazi hilo nimewaachia viongozi ambao tayari wamenihakikishia kubakiza mastaa wangu wote walionifanyia kazi nzuri msimu ulioisha"
"Endapo wataniongezea na wachezaji wa nafasi nilizopendekeza zifanyiwe kazi basi natarajia kuwa na msimu mwingine bora na naamini wachezaji hawataniangusha kuweza kufikia malengo," alisema Gamondi
Kiungo mshambuliaji Stephane Aziz Ki ni miongoni mwa wachezaji ambao tetesi nyingi zilimuhusu hata hivyo Yanga imefanikiwa kumbakisha
Kinachosubiriwa ni taarifa rasmi kutoka kwa uongozi juu ya mfungaji bora huyo msimu uliopita kuongeza mkataba sambamba na nyota wengine ambao mikataba yao imemalizika
