Beki kisiki wa Yanga Ibrahim Bacca ameshinda tuzo ya mchezaji bora wa mwaka visiwani Zanzibar
Bacca alikuwa akichuana na nyota wengine wanaocheza ligi ya Tanzania Bara Feisal Salum (Azam Fc) na Mudathir Yahya (Yanga)
Wakati Bacca akibeba tuzo hiyo Zanzibar, mlinda lango Djigui Diarra nae ameshinda tuzo ya mchezaji bora wa mwaka nchini Mali
Tuzo hizo maalumu hutolewa nchini Mali kwa wachezaji wao waliofanya vizuri kwa msimu husika (Mali Football Awards)
Diarra ametwaa tuzo hiyo akiwashinda Sadio Kanoute wa Simba, Fily Traore mshambuliaji wa TP Mazembe, Aliou Dieng kiungonwa Al Ahly na Abdoulaye Kanou mshambuliaji wa USM Alger
Jana klabu ya Yanga pia ikashinda tuzo ya timu bora ya mwaka, tuzo zilizotolewa na Baraza la Michezo la Taifa
Nyota wa Yanga walitarajiwa kuzoa tuzo zaidi za TFF baada ya kuhitimishwa msimu wa mashindano 2023/24
Hata hivyo tuzo hizo zitatolewa baada ya michuano ya Ngao ya Jamii itakayopigwa August 08-11 mwaka huu
Wachezaji Stephane Aziz Ki na Clement Mzize tayari wanazo tuzo mkononi wakiwa wafungaji bora wa ligi kuu na kombe la Shirikisho la CRDB
