Rais wa Yanga Injinia Hersi Said amesema klabu hiyo imepata mialiko kutoka nchi mbalimbali kwa ajili ya pre-season
Akizungumza katika Mkutano wa mwaka wa Wanachama wa Yanga uliofanyika jijini Dar es salaam leo, Hersi alisema wamepokea mialiko kutoka nchi za Afrika Kusini, Kenya na kutoka barani Ulaya
"Majirani zetu Kenya wametualika katika hafla ya uzinduzi wao wa uwanja mpya waliokamilisha kujenga hivi karibuni"
"Lakini pia rafiki zetu Kaizer Chiefs ambao tuliwaalika wiki ya Mwananchi nao wametualika katika michuano maalum ya pre-season ambayo wanatarajia kuiandaa"
"Na pia kuna mualiko kutoka nchi moja barani Ulaya ambayo sitapenda kuitaja leo lakini huenda kambi yetu ya maandalizi ya msimu mpya tukaifanya katika nchi hiyo," alisema Hersi
Yanga huenda ikawa busy kwenye pre-season kwani pia itashiriki michuano ya Kagame Cup itakayofanyika jijini Dar es salaam mwezi Julai huku pia wananchi wakiwa na ratiba yao ya Wiki ya Mwananchi
