Kocha Mkuu wa Yanga Miguel Gamondi amesema kikosi chake kiko tayari kwa mchezo wa fainali kombe la Shirikisho la CRDB dhidi ya Azam Fc ambao utapigwa kesho Jumapili katika uwanja wa New Amaan Complex
Akizungumza katika Mkutano na Wanahabari mapema leo, Gamondi alisema wamekuwa na muda mzuri wa kujiandaa na mchezo huo hivyo wako tayari
Aidha Gamondi amesema wataingia katika mchezo huo wakiwa na tahadhari kubwa kwani wanatambua ubora wa Azam Fc
"Tumepata muda mzuri wa maandalizi na leo tutafanya maandalizi ya mwisho kuelekea mchezo wetu wa fainali kesho"
"Niwapongeze kwa kuchagua Uwanja wa Zanzibar kwa sababu ni uwanja mzuri wa kisasa na watu wa Zanzibar pia wataweza kupata nafasi ya kushuhudia fainali hii kubwa"
"Kwenye mpira hakuna kulipiza kisasi ukienda kwenye mchezo kwa nia ya kulipiza kisasi hutakuwa na mchezo mzuri, namuheshimu mpinzani wangu Azam na lazima twende tukacheze mchezo wenye mbinu nzuri ili tuweze kuibuka na ushindi"
"Yanga na Azam Fc wamekuwa na michezo bora msimu huu, najua kesho kutakuwa na upinzani mkubwa na sisi tumejiandaa na hilo," alisema Gamondi
