Tuwaondoe kwanza Dicha, mengine baadae

Kumekuwa na 'vuguvugu' ndani ya klabu ya Yanga baada ya kujiondoa kwa Kocha Mkuu George Lwandamina kutokana na sababu zake alizoeleza.

Juzi baada ya mchezo dhidi ya Singida United Kamati ya Utendaji ya Yanga ilikaa kikao cha dharura kujadili sintofahamu iliyojitokeza baada ya kujiondoa kwa Lwandamina.

Leo viongozi wa Yanga walitarajiwa kufanya Mkutano na Waandishi wa habari, hata hivyo Mkutano huo umeahirishwa kutokana na sababu ambazo hazikuwekwa wazi.

Kimsingi nafikiri kuahirishwa kwa Mkutano huo kumefanywa kwa nia njema.

Ikumbukwe Yanga ina mchezo wa marudiano wa kombe la Shirikisho Jumatano ijayo dhidi ya Welayta Dicha nchini Ethiopia.

Nadhani ni vyema kwa WanaYanga kuwa wamoja kuhakikisha timu inapata matokeo kwenye mchezo huo wa marudiano ili iweze kutinga hatua ya makundi.

Ukiachana na swala la kutetea ubingwa wa VPL, mafanikio katika michuano hii ya CAF yafaa iwe kipaumbele zaidi.

Yanga imebakisha dakika 90 tu kutinga hatua ya makundi ya michuano hiyo.

Kama itatinga hatua hiyo, pesa watakazolipwa na CAF ni nyingi na zitaisaidia kutatua baadhi ya changamoto zake.

Wakati huu yafaa WanaYanga wawe wamoja kuisaidia timu yao isonge mbele.