Yanga kuifuata Ihefu Fc, Arusha leo

Kikosi cha Yanga leo kinaelekea mkoani Arusha tayari kwa mchezo wa nusu fainali kombe la Shirikisho la CRDB dhidi ya Ihefu Fc ambao utapigwa Jumapili, May 19 katika uwanja wa Sheikh Amri Abeid

Yanga ndio mabingwa watetezi wa michuano hiyo na wanakwenda Arusha kusaka ushindi dhidi ya Ihefu Fc na kutinga fainali

Ikiwa tayari imetwaa taji la Ligi Kuu, Msemaji wa Yanga Ali Kamwe amesema wanalitaka taji la FA kwa msimu wa tatu mfululizo

Mechi ya kwanza ya nusu fainali kati ya Coastal Union dhidi ya Azam Fc itapigwa kesho Jumamosi katika uwanja wa CCM Kirumba

Yanga na Ihefu Fc zitachuana katika mchezo wa pili utakaopigwa Jumapili, saa 9 Alasiri