Yanga yajipanga kuikabili Mtibwa Sugar

Baada ya ushindi wa bao 1-0 dhidi ya Kagera Sugar juzi, kikosi cha Yanga kimerejea mazoezini kwa ajili ya maandalizi ya mchezo unaofuata ligi kuu dhidi ya Mtibwa Sugar

Jumatatu, May 13 Yanga itakuwa mkoani Morogoro, Turiani katikati ya mashamba ya miwa Manungu, kuwakabili wenyeji wao Mtibwa Sugar

Ni mechi nyingine muhimu kwa Yanga ambapo alama tatu zinaweza kuwahakikishia Wananchi ubingwa wa ligi kuu msimu huu kwa asilimia 99%

Meneja wa Yanga Walter Harrison amesema timu itakuwa na siku mbili za mazoezi Dar kabla ya kuelekea Morogoro siku ya Jumapili

Ni wazi haitakuwa mechi rahisi kwani wakati Yanga ikihitaji ushindi ili kutwaa ubingwa, Mtibwa Sugar watakuwa wakipambana kujinasua mkiani mwa msimamo wa ligi