Wakati Ligi Kuu ya NBC ikielekea ukingoni, Yanga imeweka rekodi ya kibabe katika mechi 24 zilizochezwa mpaka sasa
Yanga ni timu pekee ambayo imepata ushindi wa asilimia 100 katika mechi zote walizocheza nyumbani. Yaani Yanga haijadondosha alama hata moja nyumbani!
Yanga ikiwa kileleni mwa msimamo wa ligi na alama 62, imepoteza mechi mbili na kutoka sare mechi mbili zote zikiwa ugenini
Ilipoteza mechi dhidi ya Ihefu Fc na Azam Fc huku ikilazimishwa sare dhidi ya Kagera Sugar na JKT Tanzania
Stephane Aziz Ki anaongoza mbio za ufungaji bora akiwa na mabao 15 wakati Djigui Diarra anaongoza mbio za golikipa bora akiwa na 'cleansheet' 11
Yanga imefunga mabao mengi kuliko tmu zote (55) huku pia ikiwa imeruhusu mabao machache zaidi (12)
Kimahesabu Wananchi wanahitaji alama 11 kutoka mechi 6 zilizosalia kutetea ubingwa kwa msimu wa tatu mfululizo
