Rais wa Yanga Injinia Hersi Said ameeleza kusikitishwa na taarifa za upotoshaji kuhusu kiungo mshambuliaji Pacome Zouzoua aliyekuwa majeruhi
Hersi amesema taarifa hizo za uongo zinasababisha taharuki na lengo la watoa taarifa hizo ni kutaka kuwavuruga Wanayanga
"Jana nimeulizwa na Mzee wangu Jakaya vipi kuhusu Pacome? Yaani imetengenezwa stori moja ya uongo uongo tu"
"Wanasema ni kwasababu kuna kesi FIFA, sijui Yanga wasimtumie mchezaji kwasababu watakatwa point, ni vitu vya kipuuzi tu"
"Kuna vitu vingine ukivisikia havi-make sense, mara sijui hana vibali vya kukaa nchini. Huyu mchezaji anacho kibali cha kukaa nchini, huyu mchezaji amepata leseni ya TFF, huyu mchezaji amepata leseni ya CAF, amecheza mechi za Ligi na mashindano ya CAF na akapata majeraha"
"Alivyoitwa timu ya Taifa ya Ivory Coast tulikubaliana kwamba huyu mchezaji aende kwasababu ya kulinda nafasi yake, lile Taifa lina wachezaji wengi sana duniani kote," Hersi aliiambia Bongo Fm
