Kocha Mkuu wa Yanga Miguel Gamondi amesema baada ya kupata sare mchezo uliopita dhidi ya Coastal Union, vijana wake wako tayari na wamepania kupata ushindi dhidi ya Coastal Union katika mchezo wa ligi kuu ya NBC utakaopigwa kesho Jumamosi katika uwanja wa Azam Complex
Gamondi amesema anatambua ubora wa Coastal Union katika kuzuia lakini wamejipanga na matokeo pekee wanayohitaji katika mchezo huo ni ushindi
"Tumetoka kucheza mchezo kwenye mazingira magumu na tuna njaa ya kupata alama tatu. Hautakuwa mchezo rahisi kwasababu Coastal ni wazuri kwenye kuzuia mashambulizi, lakini tumejipanga vizuri kuhakikisha tunafanya vizuri kwenye mchezo wa kesho"
"Mechi zinapokuwa karibu sana muda wa maandalizi unakuwa mdogo, jana tumefanya mazoezi ya kurejesha miili sawa kwa Wachezaji na leo tutapata muda kidogo wa kujiandaa kwa ajili ya mchezo wa kesho na hapo ndipo nitajua Wachezaji wa kuwatumia"
"Mchezo wa kesho unahitaji sana ubora wa Wachezaji na angalau tunaenda kucheza kwenye Uwanja wenye mazingira mazuri, muhimu zaidi kesho ni kuweka mpira wavuni na kuibuka na ushindi," alisema Miguel Gamondi
Akizungumza kwa niaba ya wachezaji wenzake, mlinda lango Aboutwalib Mshery amesema baada ya kukosa ushindi katika mchezo uliopita, wataingia kuikabili Coastal Union kusaka ushindi
"Tumejiandaa vizuri kuhakikisha tunapata alama 3 kesho, Coastal wako kwenye ubora mzuri sasahivi na sisi tunajua hatuwezi kuwa Mabingwa bila kupambana na timu ngumu," alisema
