Yanga Princess yaendeleza uteja kwa Simba Queens

Yanga Princess imeshindwa kulinda heshima ya kaka zao, leo ikikubali kipigo cha mabao 3-1 kutoka kwa Simba Queens katika mchezo wa ligi kuu ya Wanawake

Unaweza kusema bado Makamu wa Rais wa Yanga Arafat Haji ambaye alichukua jukumu la kuiboresha timu hii, ana kazi ya kufanya pale msimu huu utakapomalizika

Huu ni msimu wa tatu Yanga Princess imeshindwa kuonyesha ushindani katika ligi kuu ya Wanawake

Ni rahisi pia kusema tangu kuondoka kwa aliyekuwa kocha wa kwanza Edna Lema, ni kama Yanga Princess imepoteza mwelekeo

Msimu huu imepoteza mechi zote mbili dhidi ya Simba Queens ikichapwa mabao 3-1 katika kila mchezo

Yanga Princess wamefungwa na Simba Queens jumla ya mabao 6-2

Hii timu bado inahitaji maboresho makubwa